Timmisartunik aqutsisussatut marluk ilinniarnissaminnut tigutipput

Timmisartunik aqutsisussatut ilinnialertussanik qinnuteqartitsereerluni toqqartuineq naammassisimalerpoq. Qinnuteqartut arlaqarput taakkunanilu piukkunnartut arlaliullutit.

AFIS´ ilerisut marluk Kulusumeersut tigusaasut tassaapput Ujarneq Sørensen aamma Jacob Vadgaard. Suleqatigiit aaliangiisuusat tassaapput Mittarfeqarfinneersut Islandimilu timmisartortitseqatigiiffianiik ISAVIA´meersut, taakkulu peqatigiillutik ilinniakkamik ingerlassisuusussaapput. Ilinniagaq Islandimi Kangerlussuarmilu ingerlanneqassaaq.

Ilinnialertussat misilitsinnernik annertuuni aqqusaagaqarsimapput, soorlu apeqqarissaarfigineqarnerit, inuttut nammassinnaasanik inunnik sullissinikkut immikkut ilisimasalinnik apeqquteqaatinik akisassaminnik suliaqartinneqarsimapput kiisalu piginnaasatigut killiffiinik misilittaavigineqarsimallutik, soorlu makkuninnga:

Intelligens
Diagrammatic
Multitasking
3D thinking
Monitoring ability
-Allarpassuillu.

Timmisartunik aqutsisussanik ilinniartitsisalerneq Mittarfeqarfiit ISAVIA´llu immikkut isumaqatigiissusiorlutik suleqatigiinnerannut ilaavoq Kangerlussuarmi timmisartunik aqutsinikkut ingerlassinermut ilaalluni. Anguniagaavoq ukiorpassuunngitsut qaangiuppata Mittarfeqarfiit namminerisaminnik nunaqavissunik timmisartunik aqutsisunik peqalernissaat taamaalillutik nunap iluani ilisimasalittut immikkut atorfinitsinneqarsinnaanngorlutik. Siunissami mittarfinnik alliliinerni, Kalaallit-Nunaat nunaqavissunik atorfinitsitsisinnaanngorsimasaaq qitiusumik inississimasunik.

Timmisartunik aqutsisunngorlaat ilinniakkamik naammassinnikkunik qularissanngilaat atorfinitsinneqarnissartik, nunarsuaq tamakkerlugu atorsinnaasumik ilinniagaqalersimassapput mittarfimmi sumiikkaluamiluunniit atorfinissinnaanngorlutik.

Mittarfeqarfinniik timmisartunik aqutsisunngorniatut tigusaanerannik pilluaqquvaagut.

Henriette Nolsøe Rosing
Sulisoqarnermut siunnersorti
HR-konsulent
D. 299 382628
M. 299 701600
Henr@mit.gl
www.mit.gl