Timmisartoq ajornartorsiuteqalerluni nunnittariaqalersimasoq
Pingasunngornermi ullo’qeqqata siornatigut Nuummi mittarfimmi kalerrisaarisoqalerpoq.
Nuummit Kulusuliartoq Dash 8 utertariaqarpoq motooriata aappaa aqqutaani unittoormat.
Mittarfeqarfiit iluani upalungaarsimasoqarfik, illoqarfimmi upalungaarsimasoqarfik, politiit aamma qatserisartut timmisartup nunninnissaa piareersimallutik utaqqivaat. Timmisartoq isumannaatsumik nunnippoq, ilaasut inuttallu ajoratik timmisartoq qimassinnaallugu.
Mittarfiup pisortaa Rita Müller: ”Pinasuartumik piareersimasunut sulisutsinnut assut nersualaarivugut. Suut tamarmik pitsaasumik suliamillu isumaginnilluarnermik pipput. Kalerrisaarisoqalermalli timmisartup mittarfimmut nunninnissaata tungaanut. Upalungaarsimaffik siunertaq malillugu atuuppoq, pisoqarneralu nakkutigisaasumik pivoq.
