Tamanut suliariumannittussarsiuussineq
Suliassamik tamakkiisumik suliarinninneq: Hotel Kangerlussuaq. Blok B-mi neriniartarfimmik allaffinnillu pilersitsineq
Mittarfeqarfiit suliassaq qulaani taaneqartut matumuuna tamanut ammasumik suliariumannittussarsiuuppaat.
Suliassami pineqarpoq Hotel Kangerlussuarmi Blok B-mi inini allerni sulisut nerisarfiannik pioreersumik, allaffiit initaannik perusuersartarfinnillu kiisalu inini sanilequtaasuni tamalaani allanngortiterineq/iluarsaassineq.
Suliassaq tamakkiisumik suliarineqartussanngorlugu tamanut suliariumannittussarsiuunneqarpoq, tamatumani pineqarlutik pilersaarusiornerit ataasiakkaat pisortanillu akuersissutinik pisariaqartunik tamanik pissarsiniarnerup saniatigut pingaartumik pineqarlutik suliassanik makkuninnga suliaqarneq: betonngilerisut-, qarmaasut, sanasut, pequsiortut, qalipaasut, innaallagisserisut vvs-ilerisullu suliassaat.
Tunniussinissamut tunngavigisaq tassaavoq aningaasaqarnikkut neqeroorutit iluaqutissartaqarnerpaartaat.
Suliassat ukioq manna ukiup affaani kingullermi suliarineqassapput.
Neqeroorusiornermut atortussat uunga inniminnerneqarsinnaapput: Mittarfeqarfiit, Postboks 1036, 3900 Nuuk – Frederik Kristiansen, oqarasuaat 382635 aamma/imlt. mail frkr@mit.gl.
Suliariumannittussarsiuussinerup qaqugu sumilu pinissaa neqeroorusiornermut atortussat allakkiartaanni allassimassaaq.
