Qulimiguullit mittarfii nutaat marluk
Angallannermut, Sanaartornermut Ineqarnermullu Aqutsisoqarfimmit (Trafik-, Bygge- og Boligstyrelsimit) Sarfannguit aamma Itilleq qulimiguulinnut mittarfeqarfittut akuerisaapput.
Maannakkut Mittarfeqarfiit isumagisaqarfigilerpai mittarfiit 13-it, qulimiguulinnullu mittarfiit 46-t.
Sisimiuni mittarfiup pisortaa Bo Olsen: “Siusinnerusukkut qulimiguullit arsaattarfimmut mittariaqartarsimapput, maannakkulli qulimiguulinnut mittarfivimmut missinnaanngorput.”
Qulimiguulinnut mittarfiit nutaat taakku diameteriat tassaavoq 20 meter, taamaalillutillu Air Greenlandip qulimiguuliutaanit, nutaatut pisiaasunit atorneqarsinnaapput. Nunaqarfinnut sapinngisamik qaninnerpaatillugit qulimiguulinnut mittarfiit inissinnissaat Mittarfeqarfinnut pingaartuusimavoq. Taamaattorli Sarfannguani taamaaliorsinnaasimanngilagut, malittarisassatsinnik tikikkiartorfissatut pissutsinik Angallannermut Aqutsisoqarfiup piumasaqaateqarnera pissutigalugu.
Taakku saniatigut Arsummi mittarfik iluarsaanneqareerluni ammaqqinneqarsimavoq, kiisalu Niaqornaarsummi, Ammassivimmi Narsarmijinilu aamma nuunneqarsimallutik. Upernaviup eqqaani Upernavik Kujallermi aamma innaallagialersuisoqarsimavoq maannakkullu generatori atortariaarussimalluni.
