Qaqortumi qatserinermi pikkorissarneq
Qaqortumi heliportimi sulisut ippassaani 26. august tunngaviusumik qamisaariaqqaarneq pikkorissarfigaat. Teori qamitseriaatsillu assigiinngitsut misilittarlugit sammineqarput Mike Sikemsen pikkorissaasoq namminersortoq Diving & Safety Solutions-imeersoq pikkorissaasoralugu. Heliportimi sulisut tamarmik peqataapput.
Qaqortumi heliportimi pisortaagallartoq Helga Lorentzen: ”Ikuallannerit assigiinngitsut aallartiffii sammivagut, qamiterutit assigiinngitsut kiisalu ajutoornerit qanoq annikinnerpaaffimmiitinneqarsinnaanersut qanorlu ikuallannerit siaruartinnaveersaarneqarsinnaanersut aamma sammillugu. Heliportimi assigiinngitsunik atortoqarpugut, piumasaqaatinut naapertuuttut, taakkulu aamma sammivagut. Brandtæppe, tassaasoq tæppeq qamiterinermut atorneqartartoq, pulverslukker, kulsyreslukker slangevindelu aamma misilittarneqarput”.
”Ulloq pissarsiaqarfigilluarparput, suleqatigiittut allatut ataatsimoorluta piginnaasagullu ineriartortinneqarlutik”.
Pikkorissaanermi peqataasut tassaapput: Aviaq Meyer, Najagtava Ilingivakeq, Maja Høegh Gabrielsen, Helga Lorentzen, Otto Kreutzmann, Linde-Peter Kleist aamma Ole Zeeb.
