Mittarfinni TV-kkut ussassaarutit assiliarsuillu
TV-kkut ussassaarutit – annertunerpaamik takuneqarsinnaassuseq
TV-kkut isiginnaarutit angisuut mittarfimmi inississorluarneqarput, ukiullu tamaasa Kalaallit Nunaanni mittarfinnik atuisartutut angalasut 400.000-t tungaanniittunut tamanna annertunerpaamik takuneqarsinnaassutsimik qularnaarivoq. Tamatuma mittarfiit ussassaarinermut toqqammavittut piukkunnarlutillu pitsaalluinnartippai.
Najoqqutassaq arlalinnik periarfissiivoq, assilisat videollu takutinnissaannik periarfissiilluni. Taamaalilluni suliffeqarfiit nammineq aalajangiussassannik iluarsiissutissamut qularutissaqanngilaq.
Annertunerpaamik saqqummiussiffik
Usassaarutit Kangerlussuarmi, Ilulissani aamma Nuummi mittarfinni tv-kkut isiginnaarutini angisuuni tamani takuneqarsinnaassaaq, taamaalillunilu annertunerpaamik saqqummiussiffissamik isumannaarpaatit. Mittarfiit sinnerini tv-kkut isiginnaarutit pilersinnissaat sulissutigineqarput.
Attaveqarfissaq: Ussassaarisarfik uani: marketing@mit.gl
Assiliarsuit
- Ussassaarissutitut allagartat nalinginnaat
- Kangerlussuarmi Mittarfimmi ussassaarutitu allagartat angisuut
Piumasaqaatit nalinginnaat
- Assiliartarsuarmut inissap aki tassaavoq DKK 4.410,-
- Sioqqutsisumik attartuineq ukiullu ataasiakkaarlugit akilerneqartarpoq.
- Attartortitsisup (mittarfiup) ussassaarut ivertinnera sioqqullugu akuerissavaa.
- Attartuisup ivertitsineq piiaanerlu, kiisalu ussassaarut sarfamik pisariaqartitsissappat atuineq akilissavai.
- Ussassaarummik arlaannik pisoqarfiussappat attartortoq attartortitsisumit ilisimatinneqassaaq, tassaassaarlu iluarsinissaanut pisussaaffeqartoq.
- Ussassaarutini paasissutissanik nutarsaanissamik attartortoq pisussaaffeqartitaavoq, taamaalillutik taamma qaqugukkulluunniit pissusiviusunut tulluartuussallutik. Kiisalu ussassaarutit torersuunissaat takujuminartuunissaallu isumagissavai.
Qaammatinik pingasunik kalerriinikkut illua’tungeriinnit tamanit attartornissamut isumaqatigiissut taamaatitinneqarsinnaavoq. Assersuutigalugu qulaani eqqartorneqartunik piumasaqaatinik sumiginnaanermik attartortitsisumit taamaatitinneqarneq tunngavilerneqarsinnaavoq, attartortitsisulli allakkatigut pineqartup iluarsinissaa pillugu attartortumut kalerreeqqaarsimassaaq.
Ussassaarutinut inissat ajornanngippat attartorsinnaasat pillugit erseqqinnerusumik paasissutissanut, imaluunniit mittarfinni ussassaarutinut tunngasunik apeqqutinut allanut ugguuna saaffiginnitsiarina: sales@mit.gl
