Kiffartuussinerit
Mittarfiinnaanngitsut
Mittarfinnik 13-inik qulimiguullillu mittarfiinik 46-nik ingerlatsinermi saniatigut Mittarfeqarfiit mittarfinni periarfissanik assigiinngitsunik neqerooruteqarpoq – sumiiffinni suliffeqarfiit ussassaarutaanniit timmisartuutileqatigiit allallu suliffeqarfiit nunanit allaneersut sulinerminni mittarfinnik pingaarnertut aallaaveqartut kiffartuunnissaannik.
Imaattunik neqerooruteqarsinnaavugut:
- Mittarfinni ussassaarutit
- Timmisartut ilaasullu sullinnissaat
- Assartukkat suliarinissaat
- Atortorissaarutinik, atortunik sulisussanillu attartorneq
- ETOPS timmisartuussinissallu
- Uuliasiorfiit aatsitassarsiorfiillu kiffartuunnissaat
- Ilinniartitsineq sungiusaanerlu
- Nerisassanik isumaginninneq akunnittarfiillu
- Sullitanik angisuunik sullissineq pisortaqarfinnullu attaveqarneq
Attaveqarfigiuk sales@mit.gl
