Nakkutilliinermut malittarisassat sakkukillineqarput

30. June 2021

Coronap allattoqarfia isumaqatigereerlugu ullumikkumiit Mittarfeqarfinni nakkutilliinermut malittarisassat sakkukillineqarput.

Mittarfinni angalasunik nakkutilliisoq aqqusaartarfiup isaariaaniikkunnaassaaq. Isilernermi angalasut qanermut assiaquteqarnersut imaluunniit kiinnamut assiaquteqarnersut misissorneqartaraluarput.

Maannakkut isaariami misissuisoqartoqarunnaassaaq, paarlattuanik sulisut akunnikkuutaartumik mittarfimmi angalasassapput angalasut qanermut assiaquteqarnersut misissorlugit. Neriniartilluni imerniartilluniluunniit qanermut assiaqut peerneqarallarsinnaavoq.

Aqqusaartarfiit taamaallaat angalasunit atugassaapput. Bilitseqanngikkaanni boardingpaseqanngikkaanniluunniit mittarfimmut iseqqusaanngilaq.