Suliariumannittussarsiuussineq

Qaarsut mittarfiata garage-aani oquiaanissamut atatillugu neqeroorusiornissamut soqutiginnittunut siusinaartumik nalunaaruteqarneq.

Mittarfeqarfiit suliassamik qulaani taaneqartumik tamakkiisumik isumaginnittumut suliaqartitsinissamik, suliaqartinniakkanillu ilisimatitsereerluni neqerooruteqartitsissalluni siunniussaqarpoq – takuuk Sanaartornermi neqerooruteqartitsisarneq pillugu Inatsisartut inatsisaat §20, immikk. 1, nr. 4.

Suliassat tassaapput qilaami igalaanik taarsersuineq, qilaap pioreersup qaavatigut manngertumik kiffiusersuineq kiisalu garage-p iluani oquiaaneq.

Suliassat tamakkiisumik isumaginnittumut suliakkiutigineqassapput, suliassanillu tunniussinissamut tunngaviussalluni akikinnerpaamik neqerooruteqarneq.

Garage mittarfiup illorsuartaata saniani inissisimavoq.

Naatsorsuutigineqarpoq suliassat 2023-mi maajip naalernerani aallartinneqassasut, suliallu piareerlugit suliaqartitsisumut tunniunneqassallutik oktoberip 20-ani 2023.

Suliassat ukununnga agguataagaapput:

Silataani suliassat

Qilaami igalaanik taarsersuineq. Manngertumik qilaap pioreersup qaavatigut, qilaami igalaat killigisigut kiisalu garage-p qilaavata sinarsuisigut kiffiusersuineq.

Majuartarfik/Ikaarfik silamiittumut tank-imut.

Garage-p iluani suliassat

Innaallagissap aqqutaanik VVS-imullu atortunik peerallartariaqartunik piiaaneq taakkuninngalu ikkussueqqinneq.

Qilaassianik kiffiummillu pioreersunik piiaaneq. Silammut iikkani tamani aammalu ikuallattoornissamut iigaliani gips-imik 1200 mm-isut portutigisunik ataa-tungaaniit kiisalu qulaa-tungaani 400 mm-isut portussuseqartunik gips-imik iigassianik taarsersuineq.

Garagemi milluaasumik silaannarissarfimmik nutaamik ikkussuineq.

Suliaqartinniakkat ilisimatereerlugit neqerooruteqartitsineq

Mittarfeqarfiit nalilerpaat nunap immikkoortuani pissutsit aallaavigalugit unammilleqatigiinnikkut periarfissat killeqangaatsiassasut, taamaattumillu Sanaartornermi neqerooruteqartitsisarneq pillugu Inatsisartut inatsisaat §20, immikk. 1, nr. 5-mimi piumasaqaat naammassineqartoq, tassani sanaartortartut pingasut tikillugit taamaallaat suliassanik naammassinnissinnaasutut isigineqarmata.

Tamanna toqqammavigalugu Mittarfeqarfiit suliaqartinniakkanik ilisimatitsereerluni neqerooruteqartitsissalluni siunniussaqarpoq.

Inatsimmi § 25a, immikk. 4 naapertorlugu neqeroornissamut soqutiginnittut kaammattorneqarput soqutiginninnertik nalunaarutigeqqullugu.

Neqeroornissamut soqutiginnittut nalunaaruteqarsinnaanerat killilerneqarpoq 10. februar 2023-mut, neqeroorusiornissamullu akuerineqartut saaffigineqarumaarlutik kingorna.

Soqutiginnilluni nalunaaruteqarnermi uku uppernarsaatitut ilanngullugit nassiunneqassapput:

• Uppernarsaalluni neriorsuineq suliffeqarfik pisortanut 100.000 koruunit sinnerlugit suli akilerneqanngitsunik akiligissaqanngitsoq.
• Atuuttumik suliffeqarfittut akisussaasuunermut sillimmasersimaneq, sillimmasersimanermut uppernarsaat.
• Aningaaserivimmit sillimmassiisarfimmiilluunniit qularnaveeqqummik nalunaarut.

Neqeroornissamut soqutiginnittut e-mail-imut uunga nalunaarsinnaapput: fakr@mit.gl, nalunaaqutserlugu Projektleder Frederik Kristiansen.