Aaqqissuussaaneq

Mittarfeqarfiit aaqqissuussaanerat

Mittarfeqarfiit suliffeqarfiuvoq Namminersorlutik Oqartussanit isertitatigut matussuserneqartartoq. Ineqarnermut Attaveqaqatigiinnermullu Naalakkersuisoqarfiup ataani Mittarfeqarfiit inissisimavoq.

Danmarkimi angallannermut aqutsisoqarfik Danmarkimi, Kalaallit Nunaanni Savalimmiunilu inuinnaat angallanneranni oqartussaavoq.

Mittarfeqarfiit 450-ut missaanniittunik sulisoqarput qullersaqarfimmi, mittarfinni 13-ini qulimiguullillu mittarfiini 43-ni (heliportit helistoppillu), akunnittarfinni marlunni immikkoortunilu allani sulisunik.

Mittarfeqarfiit qullersaqarfiat kiffartuussiviit amerlanerit inissisimaffigaat, aningaasaqarneq, mittarfiit ingerlannerat, niuerneq, Sulisoqarneq, IT isumannaatsuunerlu.

Mittarfiit 13-it tamarmik mittarfimmi pisortamik aqunneqartut immikkoortunut marlunnut katersuunneqarsimapput: Avannaani Kujataanilu, Ilulissani Narsarsuarmilu nunap immikkoortuini pisortanit ataqatigiissaarneqarlutik.

Helikopterinut mittarfiit sulisoqartut 7-uk 1. januar 2017-ip kingorna Mittarfeqarfiit sulisuinit sulisoqalerput. 1. januar 2017 sioqqullugu helikopterinut mittarfiit 3-ut Air Greenlandimit inuttaqartinneqaraluarput.

Helistoppit 37-it Mittarfeqarfiit sinnerlugit KNI Pilersuisumit ingerlanneqarput.

Qulimiguullit mittarfii tamarmik sumiiffimmi mittarfiit pisortaasa ataaniipput.

Kangerlussuarmi Narsarsuarmilu akunnittarfiit ataatsimut Kangerlussuarmit aqunneqarput.

Mittarfiinnik ingerlatsinerup saniatigut Mittarfeqarfiit mittarfiit ilaanni suliassanut assigiinngitsunut akisussaapput ingerlatsillutilluunniit, ilaatigut nukimmik pilersuinermik, allatigut pilersuinermik niuertarfeqarnermillu.