Mittarfeqarfiit IT pillugu isumaqatigiissut nutaaq atsioraa
Serverimik iluarsiissutip nutaap pilersuutigalugulu atuutsilernissaa pillugu Nukik.IT-lu Mittarfeqarfiit isumaqatigiissut atsiorpaa.
Isumaqatigiissut ippassaq Mittarfeqarfiit pisortaaneranit Henrik Estrupimit, aamma Nukik .IT-p pisortaanit Malik Hansenimit atsiorneqarpoq.
”Serverimik iluarsiissummik ullutsinnut naleqqunnerusumik, tamatsinnut ingammillu IT-mik immikkoortoqarfimmi sulinermik oqilisaasussamik pissarsinissarput qilanaaraarput. Ingammik Nukik.IT-lu sulinerup ingerlateqqinnissaa assut qilanaaraarput,” Henrik Estrup oqarpoq.
Pilersaarutaasoq malillugu ukiormanna novembarip naanerani serverit nutaat ingerlasussaalissapput.
