Kangersuatsiami qulimiguulinnut mittarfik matusoq
Upernaviup eqqaani Kangersuatsiami qulimiguulinnut mittarfik isumannaallisaaneq pissutigalugu Mittarfeqarfinnit matugasuarneqarpoq.
Upernaviup eqqaani Kangersuatsiami eqqaaveqarfik nunaqarfimmi qulimiguulinnut mittarfiup eqqannguaniippoq, eqqagassallu qulimiguulinnut mittarfimmut siaruartilersimapput. Eqqagassat pillugit pissutsit iluarsiivigineqarnissaat siunertaralugu Mittarfeqarfiit Avannaata Kommunianut saaffiginnissuteqarsimavoq.
– Kommunip eqqagassat qulimiguulinnut mittarfimmit peersimanerai Mittarfeqarfiit ullumi takusarpaa. Taamaaliortoqarsimanngilaq. Puussiat plastikkit eqqakkallu allat qulimiguullip papiata sarpianut nermussinnaapput tamannalu isumannaallisaanikkut navianarluinnartutut Mittarfeqarfinnit isigineqarpoq. Qulimiguulinnut mittarfiup ingerlaannaq matuneqarnissaa taamaattumik aalajangerparput eqqagassat tungaatigut kommunip iluarsiinissaata tungaanut, Niels Grosen Mittarfeqarfinni ingerlatsinermut pisortaaneq oqarpoq.
Attuumassuteqartut tamarmik Mittarfeqarfinnit ataavartumik ilisimatinneqarput.
Angalasut angalanissartik pillugu timmisartortitseqatigiinnut angalatitsivimmulluunniit saaffiginneqquneqarput.
Tusagassiortut attavissaat:
Niels Grosen
Mittarfeqarfinni ingerlatsinermut pisortaaneq
Mobil +299 527989
