Kangersuatsiami qulimiguulinnut mittarfik ammaqqittoq
Mittarfeqarfiit ullumi aalajangerput Kangersuatsimi qulimiguulinnut mittarfik timmisartuussivigineqarnissamut ammaqqinneqassasoq.
Eqqagassat eqqaaveqarfimmeersut qulimiguulinnut mittarfimmi isumannaallisaanermut navianaateqartutut nalilerneqarlutik qulimiguulinnut mittarfiup matuneqarnissaa Mittarfeqarfinnit ulloq 8. aggusti 2019 aalajangerneqarpoq.
– Najukkami sulisuvut ulloq 16. aggusti 2019 qulimiguulinnut mittarfik takusarpaat eqqagassaqarfillu iluarsaanneqarsimasoq paasillugu. Qulimiguulinnut mittarfik isumannaatsumik timmisartuussivigeqqinneqarsinnaalersutut nalilerneqarmat ammaqqinneqarpoq, Mittarfeqarfinni ingerlatsinermut pisotaaneq Niels Grosen oqarpoq.
Mittarfeqarfiit pisumut attuumassuteqartut tamaasa ilisimatippaat.
Tusagassiortut attavissaat:
Niels Grosen
Mittarfeqarfinni ingerlatsinermut pisortaaneq
Mobil +299 527989
E-mail ngr@mit.gl
