Kangerlussuarmi WIFI akeqanngitsoq Mittarfeqarfiit misilerarpaat
Interneti WIFI-kkoortoq Kangerlussuarmi siunissami akeqanngitsumik angalasunut neqeroorutigineqartussaasoq maanna Mittarfeqarfiinit miisilerarneqarpoq.
Atassut 100Mb fiberikkoortuuvoq atuisunullu tamanut atassutaasusaalluni. Tamanut atorneqartillugu attaveqarneq kigaallisinnaavoq:
– tamanna pillugu atuisunit tusagaqarusuppugut aaqqitassaasinnaasut aaqqissinnaasagullu suliaripallannissaat siunertaralugu, attaveqatigiinermut pisortaq, Malene Lynge oqarpoq.
WIFI atoqqaarfissiunnginnerani aallaqqaammut atassuteqarniarnermi ajornartorsiutaasinnaasut aaqqipallassinnaanissaat siunertaralugu ullut qulit tungaanut maanna atassut misilerarneqaqqaarpoq.
WIFI akeqanngitsumik kikkunnilluunniit iserfigineqarsinnaammat internetimik atuisinnaaneq killeqassaaq.
- Mailit alakkarsinnaassavat, facetimersinnaavutit, social mediat atorsinnaassavatit nutaarsiassallu alakkarsinnaassavatit.
- Kisianni streamingikkut filmerneq (ass. Netflix assigisaallu) periarfissaassanngilaq.
Atuisut WIFImik atuinertik pillugu Mittarfeqarfiinut apuussaqarnissaat kaammattuutigineqarpoq. Uunga allattoqarsinnaavoq:
presse@mit.gl imalt.
