Kangerlussuarmi timmisartuussineq nalinginnaaqqilersoq
Assiliisoq: Christian Sølbeck
Mittarfik Kangerlussuup nalinginnaasumik timmisartuussivigineqarsinnaalernera Danmarkimi angalanermut, sanaartornermut ineqarnermullu aqutsisoqarfimmit akuerineqarpoq. Tamanna pivoq mittarfimmi radiokkut attaveqaat utaqqiisaasumik ikkussuunneqarsimasoq teknikkikkut akuersissutaa kingulleq iluatsimmat.
– Mittarfik Kangerlussuaq killilimmik sapaatip akunningajaa timmisartuussivigineqareerluni pissutsit naliginnaasunngoqqimmata Mittarfeqarfinni nuannaarutigaarput, Mittarfeqarfinni ingerlatsinermut pisortaq Niels Grosen oqarpoq.
Mittarfik Kangerlussuup nalinginnaasumik timmisartuussigineqaqqilernera pillugu attuumassuteqartut tamarmik ilisimatinneqarput.
Attaveqarfissaq:
Paornánguaq Kleist
Mittarfeqarfinni attaveqaqatigiinnermut pisortaq
Mobil +299 59 74 74
E-mail paok@mit.gl.
