Jørgen Boller suleqatsikkuminartoq ukiullu 20-it sinnerlugit Mittarfeqarfinni qatserisartuusimasoq pillugu eqqaaniut.
Jørgen Boller ukioq 2000 Kangerlusuarmi qatserisartutut sulilerpoq 2022-imilu septembarip ulluisa 25-ianni tassanngaannaq toqukkut qimagunnissami tungaanut sulilluni.
Joorut inutsialaavoq ilinniagaqassutsikkut annertuumik tulluusimaarutilik. Suliassami unneqarilluinnarluni suliarinissaat pingaartitaraa, suleqatillu ilinniartullu sulinerminni ileqqorissaarluinnarnissaat sulianillu qaffasissumik pitsaassusilinnik attassiinnarnissaat suleqataaffigalugu.
Suut tamarmik iluamik suliassaammata ajornannginnersiuinngisaannarpoq.
Joorup aalajangersimalluni suliani ingerlappai, sakkortusinnaavoq – saammaasserpalaartumilli qungujunnermik naggasiisarluni. Uummatigissuusoq nalorninngisaannarparput.
Ukiuni Mittarfeqarfinni suliffigisamini mittarfinnik ingerlatsineq pillugu tamatsinnut iluaqutaasunik ilisimasarpassuaqalerpoq. Joorut tassaavoq ikiortissarsiorluta imal. siunersioqatissarsiorluta saaffigisartagarput.
Ajornartorsiutinik aaqqitassaqarpat imal. apeqqutit ajornakusoortut akissutissarsiniarutsigik Joorut taannavoq tamatigut ikiuussinnaasoq.
Joorut inuttut asannittuuvoq pitsaasuullunilu. Inoqatiminit suleqatiminillu nunannerineqaqaaq ataqqineqarlunilu. Joorup isummernissamut sapiissuseqarnerata isummaminillu oqaatiginnissinnaanerata inuttut suleqatitullu ileqqorissaarluinnartuuneranik tunngaveqarnera nalorninngisaannarparput. Inoqatiminik torersumik pinninnissi suliaminillu pitsaasumik ingerlatsinissi kissaatigaa. Maligassaq ilumoortoq.
Joorup nulia Sara ernerilu marluk tamarmik Mittarfeqarfinni ilaqutariinnut ilaapput.
Annaasaqarnitsinni ernerini Joorup takusinnaanera malugisinnaaneralu tuppallersaatigaarput. Ernerminik perorsaanini Joorup tullusimaarutigaattaaq ajunngitsumillu iliornissi pingaartillugu.
Mittarfeqarfiit Kangerlussuarlu Joorup suli inuusoqaluni toqukkut qimagunnerani annertuumik annaasaqarput. Maqaasineqalereerpoq.
Jørgen Boller Kangerlussuarmi ilisaavoq pingasunngorneq 28. september 2022.
Jørgen Boller-ip eqqaaneqarnera ataqqinartuuli.
Mittarfeqarfinni suleqatit aqutsisullu.
