Innaarsunni qulimiguulinnut mittarfik ammaqqinneqarpoq
Innaarsunni illuniit eqqagassat qulimiguulimmut mittarfimmut qanittumi qaleriiaaginnakkat teqqaasartut pissutigalugit, Mittarfeqarfiit, Innaarsunni qulimiguulinnut mittarfimmik, apriilip ulluisa 25-iata tungaanut matusigallartariaqarsimapput. Maanna pissutsit aaqqiivigineqarmata qulimiguulinnut mittarfik ammaqqinneqarpoq.
– Upernavimmi mittarfimmi pisortap Esra Berthelsenip nalunaarfigaatigut ajornartorsiut maanna aaqqiivigineqartoq, eqqagassanilli qerrunnikunik, mittarfimmut qanippallaarnerat pissutaalluni ajornartorsiutinngorsinnaasunik suli peqarnera pissutigalugu, mittarfik nakkutigeqqissaarneqassaaq. Innaarsunni KNI-mi niuertoq timmisartuussinermi isumanaallisaanermik ukkassinera pillugu annertuumik nersugassaavoq, Mittarfeqarfinni ingerlatsinermi pisortaq Niels Grosen oqarpoq.
Innaarsuit sumiiffiillu allat taama pisoqarfiusinnaasut Mittarfeqarfinnit nakkutigineqarput.
