Innaarsunni qulimiguulimmik mittarfik matugallarneqarpoq
TUSAGASSIUUTINUT NALUNAARUT
Innaarsunni illuniit eqqagassat qulimiguulimmut mittarfimmut qanittumi qaleriiaaginnakkat, qulimiguulinnut annertuumik aarlerinartorsiortitsisut, eqqakkat peerneqarlutik ajornartorsiutip aaqqiivigineqarnissaata tungaanut, Mittarfeqarfiit Innaarsunni qulimiguulinnut mittarfimmik matusigallartariaqarneranut patsisaapput.
– Ajoraluartumik Innaarsunni eqqaavissuaq qulimiguulinnut mittarfimmit 50-meterit inorlugit qanitsigisumut inissinneqarsimavoq. Taamaammat soorlu puussiat plastikkit eqqakkallu allat silaannarmut qangattaanneqarlutik qulimiguullip qulani aquanilu kaavittuinit millugunneqarsinnaammata, tamanna timmisartuussinermi isumannaallisaanermut annertuumik ajornartorsiortitsivoq. Tamannalu ajunaarnermik kinguneqanngitsoorsinnaanngilaq. Maanna pissutsit, assinit uppernarsaatitut pissarsiareqqammikkatsinnit marsip ulluisa 30-ianneersunit, ajoraluartumik suli ajornerupput, Mittarfeqarfinni ingerlatsinermi pisortaq Niels Grosen nassuiaavoq.
Qulimiguulinnut mittarfik marlunngornerup 2023-imi apriilip ulluisa 25-iata tungaanut ingerlannaq matuneqarpoq. Ilulissani Avannaata Kommunia, kiissalu Avannaata Kommuniata Upernmavimmi allaffeqarfia, pisoq- kingunissaalu pillugit ilisimatinneqarput.
Taamaalilluni Kommuni, marlunngornerup tungaanut nunaqarfimmi eqqakkanik isumannaarinissamut periarfissaqarpoq. Tulliani qulimiguulimmik Innarsummukartoqarnissaa, pilersaarutit malillugit sisamanngornermi apriilip ulluisa 27-ianni pissaq. Tamaalilluni matusineq – tamanna sioqqullugu aaqqiisoqassappat timmisartuussisarnermut sunniuteqassanngilaq.
Paasissutissat sukumiinerusut attaveqatigiinnermi pisortaq Malene Lynge mailikkut: male@mit.gl imal. oqarasuaatikkut: 58 39 09 attavigalugu pissarsiarineqarsinnaapput.
