Saqisoq

Kangerlussuarmi neriniartarfik Muskox, aamma Narsarsuarmi neriniartarfik Nuna tamarmik immikkut neriniartarfiup pisortaanit siulersugaapput. Ukiup ilaa apeqqutaalluni saqisut aalajangersimasumik amerlassusillit aamma atorfeqartitaasarput.

Ilinniarnerup nalaani tikeraatta kiffartuunnissaat ilinniassavat, viinnit aamma nerisassat, taakkulu qanoq katiterneqartarneri ilisimasaqarfigilissavatit, igaffillu qanimut suleqatigissallugu.

Saqisutut aamma nerisassat katitikkat suliarinissaannik, katerisimaarniartunik isumaqatigiissusiornermik, nerriviliornermik, akiliisarnermik aamma imigassanik akoorisarnermik ilinniagaqassaatit.

Saqisutut ilinniarneq Inuilimi ingerlanneqarpoq, sivisussuseralugit ukioq ataaseq qaammatillu arfineq-pingasut – ukiut pingasut qaammatillu sisamat akornanni, inissisimaffissaq sorleq soraarummeerutaaniarnersoq apeqqutaalluni.

Ilinniagaqarneq ilinniarfimmiinnermik aamma suliffimmi sungiusarnermik paarlakaatsitarisatut ingerlanneqarpoq.

Ilinniagaq pillugu annertunermik atuarit uani: www.inuili.gl