Elektronikfagteknikeri

KTI-mik suleqateqarluta elektronikfagteknikeritut ilinniagaqarneq neqeroorutigaarput. Mittarfeqarfinni suliffimmi sungiusassaatit, atuagarsorneq KTI-miissalluni. Ilinniagaq assut tamatigoortuuvoq, tamaviaartitaanissallu qularutiginagulu suliassat assigiinngitsorpassuit misilittassavatit.

Makku ilinniarumaarpatit:

Mittarfeqarfinni elektronikfagteknikeritut ilinniartuuninni atortunik elektroniskiusunik aserfallatsaaliuineq, ajoqutaasunik ujartuinermik, misissuinermik iluarsaassinermillu ilinniagaqassaatit. Analogteknikki digitalteknikki, computerteknikki, it-mik sakkut arlallit uuttortaatillu, kiisalu højfrekvensteknikki ilinniagaqarfigissavatit.

Tigussaasunik ilinniakkatit aamma faginik soorlu Fysikkimik, Informationsteknologiimik, Qallunaatut, Tarnikkut ilisimatusaatit, Niuernermik kiffartuussinermillu, aamma Suliffeqarfinnik ilinniagaqarnernik ilalersorneqassapput.

Ilinnit makku naatsorsuutigaagut:

Meeqqat Atuarfianni Soraarummeerummik (FSA-mik) naammassisaqarsimanissat
Elektronikkimik, PC-nik aamma informationsteknologiimik soqutigisaqartuunerit
Allattariarsornermi oqalunnermilu qallunaatut tuluttullu piginnaaneqarluassanerit, matematikki kisitsisilerinerlu ilanngullugit
Suleqatiginnillaqqissuunerit
Kajumissuseqarlutillu nutaanik ilinniarusunnerit

Ilinniagaqarneq pillugu paasissutissat atoruminartut:

Ilinniagarisaq Viborgimi ilinniarfimmi Mercantecimi ilinniagaqarfimmiillunilu CNS-imi sannavitta ilaanni suliffimmi sungiusarnermik ingerlatsiviuvoq. Ilinniagaqarneq ukiunik sisamanik sivisussuseqarpoq.

Tunngaviusutut ilinniagaqarnerit naammassereerukku Mittarfeqarfinni aamma CNS-teknikkinut uppernarsaatisisinnaavutit, elektronikmekanikeritut/teknikeritut imaluunniit elektronikfagteknikeritut.

CNS-teknikkini uppernarsaateqalertarneq pillugu annertunermik uani atuagaqarsinnaavutit: linki.

Imatut aallartissaatit:

Aallaqqaammut nittartakkami tullinnguuttmi KTI-mik ilinniarfik attaveqarfigissavat: http://www.kti.gl/

Aamma sianerfigalugilluunniit allaffigisinnaavatit, oqarasuaat +299 34 86 00, e-mail: jm@kti.gl

Ilinniagaqareeruit uagutsinnilu ilinniartuulerusukkuit attaveqarfiginissatsinnut tikilluaqqusaavutit.