Akunnittarfik aamma neriniartarfik

Mittarfeqarfiit akunnittarfiit marluk ingerlappaat, tassanilu akunnittarfinnik ingerlatsinerup aamma neriniartarfeqarfiup iluani ilinniakkat arlallit akornanni toqqaasinnaavutit.

Ilinniarfiit suleqatigalutigit igasutut, saqisutut, saaffiginnittarfimmiittutut aamma iffiortutut ilinniartutut sungiusarfinnik neqerooruteqartarpugut.

Akunnittarfigut Kangerlussuarmi aamma Narsarsuarmi inissisimapput, taamaattumillu sumiiffinni taakkunani pissanganartuni najugaqarnissamut misigisaqarnissamullu periarfissaqassaatit.

Mittarfeqarfinni akunnittarfimmi aamma neriniartarfimmi ilinniagaqarusussaguit ilinniagaqarfigisat siullermik attaveqarfigissavat.

Ilinniagaqalereersimaguit qinnuteqaammik nassitsiniarina. Ukunani annertunermik takusaqarsinnaavutit: www.hotelkangerlussuaq.gl aamma www.hotelnarsarsuaq.gl