AFIS-ngorniat arfinillit
![](https://www.mit.gl/wp-content/uploads/2020/08/DSC_0077-scaled.jpg)
Sap. akunnera kingulleq inuusuttut arlallit Kangerlussuarmiipput AFIS-imik ilinniartutut tigusaanissamut misilitsikkiartorlutik. Sap. akunnerata ingerlanerani assigiinngitsunik misilitsipput, ilaatigut kisitsinermik, danskit tuluillu oqaasiinik misilitsinneq, kiisalu aallussisinnaanermut misilitsinneq.”
HR-imi ilinniartitaanermut siunnersorti Malik Skifte: ”Sapaatip akunnera nuannerlunilu pissanganarpoq. Piukkunnarluinnartunik nassaarpugut, taakkulu oktobarimi ilinniarnertik aallartissavaat. Kangerlussuarmi naapisimaaqqinnginnerminni peqqissutsimik misissortissapput.
Ukiut kingulliit ingerlaneranni AFIS-imi ingerlatsisartut arlallit Mittarfeqarfiit ilinniagaqartissimavai. Ilinniagaq piumasaqarfiuvoq, aammalu eqqoqqissaarinissamik eqeersimaarnissamillu annertuunik piumasaqaateqarfiuvoq.