Mittarfeqarfiit attaveqatigiinnermut pisortartaarput
Septembarip ulluisa aallaqqaataanni Mittarfeqarfiit Malene Lynge attaveqatigiinnermut pisortatut atorfinitsippaat.
Malene Lynge-ip timmisartortitsinerup iluani tunngaviusumik ilinniagaqartup Mittarfeqarfiup iluani avammullu attaveqatigiinneq akisussaaffigilissavai.
Malene attaveqatigiinnermut tunngasumik ilinniagaqarpoq ukiullu nikinnerata missaani attaveqatigiinnermi siunnersortitut namminersortutut sulilluni. 2020-imili Kalaallit Airports Holding A/S-imi attaveqatigiinnermi pisortatut atorfeqarsimanikkut Mittarfeqarfinni sulinissaq allanartinnaviarunanngilaa.
- Malene-ip suleqatigilernera nuannaarutigaarput Mittarfeqarfinnilu suliassatsinni pissanganartuni suleqatiginissaa qilanaaralugu, pisortaaneq Henrik Estrup oqarpoq.
Namminersorlutik Oqartussani ukiuni arfineq pingasuni attaveqatigiinnermut tunngasunik suliaqarsimanermi saniatigut, Malene 2013-imiit 2018-imut kommunalbestyrelsimi ilaasortaasimavoq. 2020-imi Malene-ip Danmarks Medie og Journalisthøjskolimit suliffeqarfimmi siunnerfilimmik attaveqatigiinnermik qaffasissumik ilinniagaqarnini naammassiva.
Paasissutissat sukumiinerusut Malene Lynge: male@mit.gl; 58 39 09
attavigalugu pissarsiarineqarsinnaapput.
