Kangerlussuarmi tikittunut utaqqisarfimmukarnissamut periarfissagissaarnerulerneq
Piffissami sivisujaami utaqqereerlugu kiisami Kangerlusuarmi tikittunut utaqqisarfiannukartunut majuartarfitsigoorsinnaanngitsunut majorallaffimmik pilersitsisoqarpoq.
Mittarfeqarfiit illutaannut isersinnaanissaq pisortaqatigiinnit pingaartinneqaraluarpoq. Pisortalli piumasaqaataannik eqquutsitsiniarneq ajornaatsuinnaasanngilaq.
– Illuutigut amerlasuut sanaartukkanut tunngatillugu inatsisip maanna atuuttup siornatigut sananeqarsimapput. Tamanna ilaatigut illut inissisimanerisa, inatsimmi piumasaqaatinik eqquutitsiniarnermik ajornakusuulersitsisarnerannik isumaqarpoq, Mittarfeqarfinni teknikkeqarnermut pisortaq, Mike Sanimuinaq Kristiansen nassuiaavoq, imalu nangilluni
– Taamaammat Mittarfeqarfiit kommunimi sanaartornermi oqartussanut immikkut akuersissummik qinnuteqartariaqarsimavoq, tamannalu sivisusimavoq.
Majorallaffik malittarisassat atuuttut naapertorlugit 20 meterinik takissuseqartussaassaaq.
– Inissaqarniarnermut atatillugu tamanna eqquutsinneqarsinnaanngilaq. Taamaammat immikkut akuersissummik qinnuteqaatip akuerineqarnera, maannalu angalasut atorsinnaasaannik majorallaffeqalernerput immikkut nuannaarutigaarput, sanaartornermut pisortaq Erneeraq Zeeb oqarpoq.
Majorallaffiliorneq ilaatigut inuit innarluutillit illersuisoqarfiata kaammattuineragut aallartinneqarpoq.
2022-imi decembari qiteqqummat majorallaffik tamanut nuannaarutaaqisumik atorneqarsinnaanngorluni piareerpoq.
– Maanna pitsorluttut amerlanerusut tikittunut utaqqisarfimmukarniat illu kaajallaqqaarnagu majorallaffik atorsinnaanngorpaat. Kiffartuussineq annertuumik pitsanngoriaateqarpoq, Kangerlussuarmi mittarfimmi pisortaq Ivaaq Christensen oqarpoq.
Majorallaffik inimut pisattat kaaviiaartarfiannut elevatrorimullu, tikittut aallartussallu utaqqisarfiisa tungaannut atorneqarsinnaasumut atavoq.
Majorallaffiup akiani matu nammineq mappigassaavoq. Isumaminik ammartartumik matulerneqarsinnaanissaa maanna misissorneqarpoq.
