Imaani annaassiniarnermi Nuummi pikkorissarneq
![](https://www.mit.gl/wp-content/uploads/2019/12/20191211_144336-scaled.jpg)
Decembarip 9-niit 13-iata tungaanut Nuummi imaani annaassiniarnermi pikkorissaasoqarpoq. Peqataasut qulingiluat illoqarfinni ukunaneerput: Aasiaat, Sisimiut, Nuuk aamma Narsarsuaq. Pikkorissartut ilaatigut gummibåd-mut immamiit qaqinneqarput.
Inatsisitigut piumasaqaataavoq mittarfimminngaanniit immap tungaanut annikinnerpaamik 1,5 kilometriuppat, taava immami annaassiniartartunik pilersitsisoqassasoq. Pikkorissartut decembarip 13-ni allagartartaarput, tamarmillu angusarissaarlutik.