Mittarfeqarfinni attaveqaqatigiinnermut pisortaq nutaaq
Mittarfeqarfiit attaveqaqatigiinnermut pisortatut Irene Jeppson atorfinitsippaat. Irene Jeppson, atorfimmini ulloq 1. oktobari 2019 sulilertussaq, tusagassiortutut ilinniarsimavoq ukiorpassuarnilu attaveqaqatigiinnermik sulinermik misilittagaqarluni.
Irene Jeppson Kommuneqarfik Sermersuumi attaveqaqatigiinnermut sulisutut atorfeqarpoq, siornatigullu Kalaallit Nunaanni Brugsenimi attaveqaqatigiinnermut akisussaasutut kiisalu Royal Arctic Linemi attaveqaqatigiinnermut sulisutut atorfeqarsimalluni. Sermitsiami AG-milu tusagassiortutut kiisalu arnat quppersagaanni Arnanummi aaqqissuisutut siornatigut aamma atorfeqarsimavoq.
– Mittarfeqarfiit Periusissiap Naliliup siorna aallartinneranut atatillugu suli ineriartortinneqarput. Tassunga atatillugu attaveqaqatigiinnermik suliaqartumik nukittuumik pisariaqartitsivugut Mittarfeqarfiit inuiaqatigiinni suliaat pillugit innuttasut ilisimasaannik annertusaaqataasussamik. Irene Jeppson suliassamik tamatuminnga naammassinnissinnaasoraarput, HR-imi pisortaq Bodil Marie Damgaard oqarpoq.
Avammut attaveqaqatigiinnerup saniatigut suliffeqarfiup iluani Periusissiap Naliliup aallartisarneranut atatillugu attaveqaqatigiinnermik annertusaaneq ingerlanneqarsimasoq Irene Jeppsonip nangissavaa.
Tusagassiortunut attavissaq:
Bodil Marie Damgaard
HR-imi pisortaq
E-mail bmd@mit.gl
