Iffiortoq

Hotel Kangerlussuaq nammineq iffiorfeqarpoq, taassumalu iffiukkanik tamanik igaffimmi, cafeteriami aamma neriniartarfinni pisariaqartitanik tamanik iffiortarpoq, soorlulusooq iffiorfimmit Kangerlussuarmi inuutissarsiorfiit inuillu namminneq iffianik kaaginillu pisiaqarsinnaallutik.

Iffiortutut ilinniagaqarneq Inuussutissalerinermik Ilinniarfimmi Inuilimi ingerlanneqarpoq, suliffimmik sungiusartarfeqarluni, aammalu ukiunik sisamanik qaammatinillu arfinilinnik sivisussuseqarluni.

Ilinniagaqarnerup nalaani iffiorfimmi tunisassiornerit aamma naatsorsuinerit, pisiortornerit nioqquteqarnerillu ilinniassavatit.

Tunngaviusutut ingerlatsinermut pingaarnertullu ingerlatsinermut tiguneqarnissamut piumasaqaatit Inuilip nittartagaani atuarsinnaavatit: www.inuili.gl