Piginnaanngorsaasoqarpoq
![](http://mit.gl/wp-content/uploads/2018/12/SMS-kursus-gruppe_2018-1024x683.jpg)
Mittarfeqarfinni ingerlaavartumik isumannaallisaanermi periutsivut pitsanngorsartarpavut, taamaalilluta Mittarfeqarfinni ingerlatsinermut qullersat isumannaallisanermut 10.-14. december 2018 pikkorissartinneqarput. Pikkorissarneq timmisartuussinermi nunarsuaq tamakkerlugu ilisarisimaneqarluartumit IATA-kkormiunit ingerlanneqarpoq.
Marie Fleischer, Pisortaaneq ima oqarpoq: “Ilaasut timmisartuusinerullu isumannaatsuunissaa nunatsinni mittarfinnik ingerlatsinitsinni sallersaavoq. Mittarfeqarfinni ukiuni 30-ini nunami imminermi nunanullu allanut mittarfinnik ingerlatsinitsinni misilittagaqarluaraluarluta pitsanngoriartortuarnissatsinnik pisussaaffeqarpugut. pisussaaffik pimoorulluinnarparput.”
Pikkorissarneq tuluttut ingerlanneqarpoq, misilitsinermik naggaserneqarmat peqataasut tamarmik angusilluarlutik pikkorissarneq naammassineqarpoq.
![](http://mit.gl/wp-content/uploads/2018/12/SMS-kursus_instruktør_2018-1024x768.jpg)
![](http://mit.gl/wp-content/uploads/2018/12/SMS-kursus_lokale_2018-1024x768.jpg)
![](http://mit.gl/wp-content/uploads/2018/12/SMS-kursus_2018-1024x756.jpg)